ДУШАНБЕ, 16 июл — Sputnik. Владимир Путин ва Владимир Зеленский мулоқот мекунанд, гуфт муовини раиси дастгоҳи президенти Украина Вадим Пристайко.
Дар баробари ин Пристайко илова кард, ки то кунун ҷонибҳо дар бораи замони баргузории мулоқот мувофиқа накардаанд.
Ёдовар мешавем, ки нахустин гуфгугӯи кишвардорони Русия ва Украина шоми 11 июл баргузор шуд.
Зеленский шарти оштӣ шудани Русия ва Украинаро гуфт
Гуфтугӯи Владимир Путин ва Владимир Зеленский бо даъвати ҷониби Украина сурат пазируфт.
Сухангӯи президенти Русия Дмитрий Песков гуфта буд, ки зимни суҳбати телефонӣ кишвардорон аз ҷумла вазъи манотиқи ҷанубу шарқи Украина ва бозгардонии маҳкумшудагони ҳар ду ҷонибро баррасӣ кардаанд.
Зеленский гуфт дар ҳузури кӣ бо Путин мулоқот мекунад
Президенти Украина Владимир Зеленский нахустин бор 27 июн ба кишвардори Русия Владимир Путин муроҷиат карда буд.
Он замон Зеленский аз Путин хоҳиш карда буд, то баҳрнавардони украиниро озод кунад.
