ДУШАНБЕ, 13 июл — Sputnik. Президенти Украина Владимир Зеленский сӯҳбати телефониаш бо раисҷумҳури Русия Владимир Путинро тавзеҳ додааст.
Навори мулоқоти президентро бо наздикони маллоҳони дар Русия боздоштшуда рӯзноманигор Олга Скабеева дар Telegram-канал нашр кардааст.
Дар навор Владимир Зеленский мегӯяд, ки бо як занг ба Маскав ва баррасии озодкунии маллоҳони боздоштшуда "тоҷаш аз сараш намеафтад".
Вай ҳамчунин гуфтааст, ки омода ба мубодилаи боздоштшудагон аст.
"Масъалаи асосие, ки ман гузоштам, баргардонидани сокинони мо буд. Ҳамаи онҳоро баргардонед", - гуфтааст Зеленский.
Ҳафтаи гузашта Зеленский ба Путин пешниҳод карда буд, ки дар Минск мулоқот кунанд. Ҷониби Русия гуфтааст, ки ин пешниҳодро баррасӣ хоҳад кард.
Владимир Путин доим омодаи муколамаҳо дар мавриди танзими вазъи Донбасс будани Русияро дар ҳамагуна формат таъкид карда, ишора намуд, бояд бархе аз мушкилиҳоро дар назар гирифт.
Сӯҳбати телефонии президентони Украина ва Русия 11 июн бо ташаббуси ҷониби Украина сурат гирифт.
