ДУШАНБЕ, 8 июл — Sputnik. Президенти Украина Владимир Зеленский ба президенти Русия Владимир Путин пешниҳоди дидору мулоқот кард.
Дар ин бора Зеленский дар саҳифааш дар Facebook навиштааст.
"Мехоҳам ба президенти Федератсияи Русия Владимир Путин муроҷиат кунам. Мулоқот лозим аст? Лозим. Биёед баррасӣ мекунем", - навиштааст Зеленский дар муроҷиатномаи худ.
Зеленский қайд карда, ки дар ин мулоқот бояд президенти ИМА Доналд Трамп, канслери Олмон Ангела Меркел, президенти Фаронса Эмманюэл Макрон ва сарвазири Бритониё Тереза Мэй ҳузур дошта бошанд.
Зеленский гуфт, ки мулоқоташро бо Путин чӣ гуна оғоз хоҳад кард
Владимир Зеленский ҷойи дидорро шаҳри Минск гуфт.
"Макон?, Фикр мекунам Александр Григоревич Лукашенко мову шуморо дар Минск бо хушнудӣ мепазирад", - афзуд Зеленский.
Омодагии Зеленский барои мулоқот бо Путин
Пештар Владимир Зеленский ба кишвардори Русия Владимир Путин муроҷиат карда хоҳиш кард, ки ҷониби Русия баҳрнавардони маҳкумшударо озод кунад.
