ДУШАНБЕ, 24 июн — Sputnik. Рӯзи якшанбе қариб 50 нафар шаҳрвандони Тоҷикистон дар шаҳри Одинсоваи вилояти Маскав заҳролуд шудаанд.
Ҳамаи ин муҳоҷирон дар заводи мебели ҶДММ “Одинсова” дар сехи истеҳсоли дару тиреза кор мекардаанд.
“Дирӯз қариб 50 нафар ба духтур муроҷиат кардаанд, ки аз онҳо 12 нафарашонро дар беморхона хобондаанд. Бо пайдо шудани маълумот дар бораи заҳролудшавии оммавӣ кормандони хадамоти консулии ба ҷои ҳодиса рафтаанд”, - шарҳ дод Аҳмадов ба Sputnik Тоҷикистон.
Вай илова намудааст, ки кормандони хадамоти консулӣ бо роҳбарияти ин корхона сабаби ин ҳодисаро таҳти омӯзиш қарор додаанд.
Ба гуфтаи Аҳмадов қисмати зиёди беморон аз беморхона ҷавоб шудаанд ва ҳамагӣ 4 муҳоҷир дар он ҷо мемонад.
Котиби матбуоти маълумот додааст, ки гузаронидани санҷиш дар назар аст. Вай ҳамчунин тахмин мекунад, ки ҳангоми тайёр кардани хӯрок вайрон кардани қоидаҳои санитарӣ муайян шудаанд.
