ДУШАНБЕ, 28 май — Sputnik. Дар вилояти Суғд, дар шаҳри Конибодом раиси комиссияи манзилӣ ба иттиҳоми гирифани пора дастгир шуд, хабар медиҳад ВУД Тоҷикистон.
Бино бар иттилои манбаъ, Аваз Шодиеви 53-сола, раиси комиссия ҳангоми гузаронида чораҳои ҷустуҷӯӣ дастгир гардидааст.
Гуфта мешавад, номбурда аз зани 48 солаи сокини ҷамоати деҳоти Ҳамробоев барои мусоидат намудан ба гирифтани қитъаи замини наздиҳавлигӣ ба масоҳати 0,8 га, маблағи 5 000 сомонӣ ҳамчун пора талаб кардааст.
"27-уми майи соли равон, тахминан соати 15:00, номбурда дар назди бинои ҶСК бонки "Эсхата"-и шаҳри Конибодом ҳангоми аз зани мазкур гирифтани 5000 сомонӣ дастгир шуд", - омадааст дар иттилои манбаъ.
Нисбат ба Шодиев Аваз Юлдошевич парвандаи ҷиноятӣ бо моддаҳои 32, қисми 3, 319 қисми 1 Кодекси ҷиноятии Ҷумҳурии Тоҷикистон оғоз гардида, тафтишот идома дорад.
