ДУШАНБЕ, 19 май — Sputnik. Вазири корҳои дохилии Тоҷикистон генерал-полковники милитсия Раҳимзода Рамазон бо муовини вазири корҳои хориҷии Ироқ Ҳозим Ал-Юсуфӣ вохӯрӣ кард.
Дар ин бора равобити умумии Вазорати корҳои дохилии Тоҷикистон хабар медиҳад.
Гуфта мешавад, ки Раҳимзода Рамазон намояндаи давлати Ироқро ба Тоҷикистон хайра мақдам гуфта, изҳор дошт, ки робита ва ҳамкориҳои байни ду кишвар бо саъю кӯшишҳои дуҷониба дар арсаи ҳамкориҳо мавриди таваҷҷуҳи тарафайн рӯ ба густариш ниҳодааст.
Миннатдории ҳукумати Тоҷикистон аз Қувайт ва даъват ба Душанбе
"Умедворем, ҳамкориҳои дуҷонибаю бисёрҷониба бо Ироқ дар оянда боз ҳам тақвият хоҳанд ёфт",-гуфтааст Раҳимзода.
Намояндаи ВУХ Ироқ: "барои баргардонидани занони тоҷик аз зиндонҳои Ироқ талош менамоем"
Манбаъ афзуда, ки дар ҷараёни вохӯрӣ ҷонибҳо атрофи масоили мубориза бо ҷинояткорӣ, терроризм, экстремизм, гардиши ғайриқонунии маводи мухаддир ва дигар ҷиноятҳои характери трансмиллидошта табодули назар карданд.
