Мақоми сеюми Лазарев дар “Евровидение”: кӣ якум шуд? - видео

© Sputnik / Владимир Астапкович / Гузариш ба медиабонк"Евровидение-2019"
Евровидение-2019 - Sputnik Тоҷикистон
Обуна шудан
Сарояндаи рус Сергей Лазарев бо иҷрои суруди “Scream” (фарёд) дар даври ниҳоии "Евровидение-2019" мақоми сеюмро соҳиб гашт

ДУШАНБЕ, 19 май — Sputnik. Дар пайи овоздиҳӣ Лазарев бо 369 хол, ки 125 холашро тамошобинон ва 244 холро доварони касбӣ доданд, дар мақоми сеюм қарор гирифт.

«Евровидение-2019». Репетиция второго полуфинала - Sputnik Тоҷикистон
Сергей Лазерев бо суруди Scream ба даври ниҳоии "Евровидение-2019" роҳ ёфт-видео

 Суруди “Scream”-ро овозхон ва оҳангсози Русия, Филипп Киркоров, оҳангсоз аз Юнон Димитрис Контопулос ва мусиқачӣ аз ИМА Шарон Вон эҷод кардаанд.

Баҳои ҳадди аксар – 12 холро ба Русия танҳо як кишвар – Озарбойҷон сазовор донистааст.

Мақоми аввалро дар “Евровидение-2019” овозхон аз Нидерланд, Дункан Лоуренс соҳиб гашт.

Тамошобинон барои суруди “Arcade” ба Лоуренс 261 хол ва доварони касбӣ 231 хол сазовор донистанд ва ӯ бо 492 хол дар ҷои якум қарор гирифт.  

Озмуни "Евровидение-2019" имсол дар шаҳри Тел-Авиви Исроил баргузор шуд ва феълан маълум нест, ки соли оянда кадом шаҳри Нидерланд мизбони ин озмуни байналмилалӣ хоҳад шуд.

Лентаи хабарҳо
0