Қаллоби ноинсоф аз Данғара: 26 000 доллари модаронро гирифту гуфт писаратонро озод мекунам

© Sputnik / Михаил Кутузов / Гузариш ба медиабонкДенежные купюры и монеты разных стран
Денежные купюры и монеты разных стран - Sputnik Тоҷикистон
Обуна шудан
Як сокини Данғара дар Душанбе аз ду зан бештар аз 26 ҳазор доллар гирифта, ваъда додааст, ки писаронашонро аз зиндон озод мекунад. Аммо бо гузашти 2 сол на ба ваъдааш вафо кардаасту на пулашонро баргардонидааст

ДУШАНБЕ, 18 май — Sputnik.  Дар натиҷаи гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 44-солаи сокини ноҳияи Данғара ҳамчун гумонбар дар содир намудани як қатор ҷиноятҳои қаллобӣ дастгир карда шуд, хабар медиҳад ВУД Тоҷикистон.

Муттаҳам дар шаҳри Душанбе ба боварии 3 зан даромада, аз онҳо маблағ гирифтааст.

Чунончи, ӯ моҳи августи соли 2017 бо роҳи фиреб ба боварии зани 43-солаи сокини шаҳри Душанбе даромада, аз ӯ барои тиҷорат 590 000 сомонӣ гирифта, то ҳол маблағашро барнагардонидааст. 

Взятка, архивное фото - Sputnik Тоҷикистон
Пулро гирифту хонаро насохт: дар Душанбе қаллоб дастгир шуд

Ин сокини 44-солаи Данғара, моҳи декабри соли 2018 ҳангоми дар назди Суди шаҳри Душанбе қарор доштанашбо як марди дигар   бо роҳи фиреб ба боварии зани 45-солаи сокини кӯчаи Борбади пойтахт даромада, аз ӯ 17 ҳазору 700 доллари амрикоӣ гирифтааст.

"Муттаҳамон ваъда додаанд, ки писари занро аз маҳкама озод мекунанд, аммо ӯро фиреб намуда, то ҳол маблағашро барнагардонидаанд", - менависад ВУД. 
Ҳамчунин дар натиҷаи гузаронидани чорабиниҳои оперативӣ-ҷустуҷӯӣ аз ҷониби кормандони милитсия муайян карда шуд, ки марди 44-солаи дар боло номбаргардида моҳи декабри соли 2018 ҳангоми дар назди Суди шаҳри Душанбе қарор доштанаш бо роҳи фиреб ба боварии зани 48-солаи сокини пойтахт даромада, аз ӯ 8600 доллари амрикоӣ гирифта, ваъда додааст, ки писарашро аз маҳкама озод мекунад, аммо ӯро фиреб намуда, то ҳол маблағашро барнагардонидааст. 

ВУД аз рӯи ин ҳодисаҳо тафтишотр идома медиҳад.

Лентаи хабарҳо
0