ДУШАНБЕ, 11 мая – Sputnik. Раиси вилояти Суғд Раҷаббой Аҳмадзода ба шаҳри Бӯстон сафари корӣ анҷом дода, бо ҷараёни бунёди корхонаҳои саноатӣ шинос гардид, хабар медиҳад дафтари матбуоти раиси вилоят.
Ширкати "Тоҷфилиз" яке аз ин корхонаҳо маҳсуб ёфта, дар ояндаи наздик дар он самарез, мех ва сим истеҳсол карда мешавад. Ба иттилои масъулин дар ин корхона 100 ҷойи нави корӣ таъсис дода шуда, маҳсулоти истеҳсолшаванда барои қонеъсозии талаботи бозори дохилӣ нигаронида шудааст.
Дар корхонаи дигари бунёдшавандаи шаҳри Бӯстон истеҳсоли уребчаҳо ва ва қоғаз барои ташноб ба роҳ монда хоҳад шуд. Пас аз мавриди истифода қарор гирифтани ин корхона 50 нафар сокинон бо ҷойи корӣ таъмин мегарданд.
Зимни боздид Раиси вилоят ба роҳбарияти шаҳр ва соҳибкорони маҳаллӣ, ки ба бунёди корхонаҳои истеҳсолӣ камари ҳиммат бастаанд, дастур дод, ки корҳои сохтмониро бо сифати баланд ба иҷро расонида, талаботи бозор ба маҳсулоти истеҳсолшавандаро мунтазам мавриди омӯзиш қарор диҳанд.
Айни замон ба корҳои сохтмонии ду иншооти муҳими саноатӣ зиёда аз 50 нафар сохтмончиён ҷалб гардидаанд.
Ёдовар бояд шуд, ки то соли 2021 дар вилояти Суғд бунёду баистифодадиҳии 300 корхонаи нави саноатӣ ба нақша гирифта шудааст.
