ДУШАНБЕ, 9 мая — Sputnik. Нурсултон Назарбоев нахустин раисҷумҳури Қазоқистон барои иштирок дар гузашти низомӣ ба Маскав омадааст.
Дар майдони сурхи Маскав Нурсултон Назарбоев дар саҳнаи асосӣ ҳамроҳ бо Владимир Путин, раисҷумҳури Русия ва Дмитрий Медведев, нахуствазири ин кишвар ҳузур дошт.
Субҳи имрӯз гузашти низомӣ ба муносибати ҷашни 74-умин солгарди Ғалаба дар Чанги Бузурги Ватанӣ санаи 9-уми май дар майдони сурхи шаҳри Маскав баргузор шуд.
Дар чорабинӣ сарони кишварҳои хориҷӣ низ иштирок доранд. Дар гузашти низомӣ бештар аз 13 ҳазор низомӣ ва 132 яроқ ва техникаи ҳарбӣ ҷалб карда шудааст.
Имшаб соати 22:00 (бо вақти Макав) дар 28 шаҳри Русия оташбозӣ мешавад. Соати 15:00 чорабинии "Ҳанги ҷовидон" сар мешавад, ки дар он тоҷикон низ иштирок мекунанд.
Нахустин бор тоҷикони Маскав соли 2016 ба аксияи "Ҳанги ҷовидон" ҳамроҳ шуда буданд.
