ДУШАНБЕ, 8 май — Sputnik. Тибқи иттилои Кумита, дар мусобиқаи қаҳрамонӣ 8 даста - дудастаӣ аз вилоятҳои Бадахшону Хатлон, шаҳри Душанбе ва дастаҳои Суғду Ҳисор иштирок карданд.
Манбаъ изҳор дошт, ки дар бозии ниҳоӣ дастаи Душанбе-1 бар тими ВМКБ-2 пирӯз гардида, унвони чемпиони Тоҷикистонро дар риштаи ҳандбол ба даст овард.
Саидаброр Зардонов аз дастаи Душанбе-1 беҳтарин бозингари чемпионат эътироф шуд.
“Ҳадафи чемпионат мустаҳкам кардани дӯстӣ миёни ҷавонони ҷумҳурӣ ва дарёфти беҳтарин бозингарон барои дастаи мунтахаби кишвар мебошад”, - иброз дошт Муҳаммадфарид Мирзоҳодиев, котиби генералии Федератсияи ҳандболи Тоҷикистон.
