ДУШАНБЕ, 2 май — Sputnik. Бино бар иттилои дафтари матбуоти Вазорати умури дохилаи Тоҷикистон аз ҷониби кормандони ШВКД шаҳри Хуҷанд зани 35-солаи сокини шаҳри мазкур бо гумони ташкил ё нигаҳдошти фоҳишахона дастгир карда шуд.
Тибқи иттилои манбаъ, номбурда, хонаи муваққатӣ ба иҷора гирифтаашро, воқеъ дар суроғаи кӯчаи Исмоили Сомонии шаҳри Хуҷанд ба фоҳишахона табдил додааст.
“Номбурда рӯзи 1-уми феврали соли равон, тахминан соати 11:00-дақиқа, хонаи муваққатӣ ба иҷора гирифта, воқеъ дар суроғаи кӯчаи Исмоили Сомонии шаҳри Хуҷандро ба марди 40-сола ва зани 36-солаи сокинони шаҳри мазкур барои алоқаи ҷинсӣ намудан супорида, бар ивазаш аз онҳо 300-сомонӣ маблағ гирифтааст”,- таъкид намудааст манбаъ.
Дар ҳоли ҳозир кормандони милитсияи шаҳри Хуҷанд нисбати ин ҳодиса тафтишотро идома доранд.
