ДУШАНБЕ, 26 апр — Sputnik. Ҷасади ду марди аз зарби тир кушташударо дар наздикии истгоҳи метрои "Новые черемушки" ёфтанд, дар ин бора Кумитаи тафтишотии Маскав хабар медиҳад.
Ҳувияти кушташудгон то ҳол муайян нашудааст. Аз рӯи ҳодисаи куштор ва гардиши ғайриқонунии силоҳ парванддаи ҷиноӣ боз шудааст.
Дар ҷои ҳодиса кормандони мақомоти қудратӣ тафтишот мебаранд.
РИА Новости аз қавли манбаъ дар мақомоти қудратӣ менависад, ки тирпарронӣ дар паи муноқиша миёни ду мард сар задааст. Мусоҳиб афзудааст, ки дар чорчӯби тафтишот шоҳидони ҳол пурсида шуда ва сабки камераҳои назоратӣ санҷида шудаанд.
Ёдовар мешавем, ки чпнде пеш дар тарабхонаи “Неолит” дар Маскав ҷанҷоли гуруҳии калоне бо иштроки 100 нафар бархоста буд.
Дар натиҷаи ин ҳодиса наздики 10 нафар маҷрӯҳ шуда, дар бемористон бистарӣ шудаанд. Ба гуфтаи онҳо, дар ин тарабхона чунин ҷанҷол пештар низ чанд маротиба рух дода буд.
Ба гутфаи кормандони тарабхона, ҷинояткорон мехостанд ба соҳиби ресторан ҳамла кунанд.
Бино бар иттилои ВУД, дар пайи ҳодиса 10 нафар боздошт шудаанд.
