Эмомалӣ Раҳмон, раисҷумҳури Тоҷикистон 16 апрел бо сафари расмӣ вориди Русия шуд ва бо Владимир Путин мулоқот кард.
Зимни сафари расмӣ раисҷумҳури Тоҷикистон бо Дмитрий Медведев, сарвазири Русия низ мулоқот кард.
Эмомалӣ Раҳмон бо намояндагони диаспораи тоҷикони Маскав мулоқт кард
Дар ҳошияи сафари Эмоалӣ Раҳмон, президенти Тоҷикистон дар Маркази тиҷорати байналмилалӣ дар Маскав Ҳафтумин конфронси байниминтақавии Тоҷикистону Русия баргузор шуд. Зимни конфронс доираҳои тиҷоратиии ду кишвар масъалаҳои ҳамкориҳои иқтисодиро баррасӣ намуданд.
Дар ҳошияи конфронс як чанд соззишнома ба имзо расид.
- Созишнома дар бораи ҳамкориҳо миёни ҷамъияти саҳҳомии "Российский экспортный центр" ва Ожонсии содироти назди Ҳукумати Тоҷикистон
- Созишномаи ҳамкорӣ миёни Палатаи савдои Тоҷикистон ва Палатаи савдои вилояти Ростов ва Иттиҳодияи “Палатаи савдои Одинтсово”
- Ёддошти дар бораи ҳамкории ҶДММ "ВЭБ Инжиниринг" ва Вазорати кишоварзии Тоҷикистон
- Созишнома байни Мақомоти иҷроияи ҳокимияти давлатии вилояти Суғд ва Ҳукумати вилояти Нижегородски Русия дар бораи ҳамкории тиҷоратӣ-иқтисодӣ, илмӣ-техникӣ ва гуманитарӣ;
- Созишномаи ҳамкории КВД “Ширкати Аллюминии тоҷик” ва Бонки ВТБ;
Эмомалӣ Раҳмон, раисиҷумҳури Тоҷикистон ва Владимир Путин, раисиҷумҳури Русия қабл аз оғози гуфтушуниди расмӣ давоми як соат мулоқоти хоса доштаанд. Сипас дар ҳузури сарони давлатҳо 16 санади нави ҳамкорӣ дар соҳаи амният, савдо, маориф, фарҳанг, сайёҳӣ ва варзиш ба имзо расид.
Раисҷумҳури Тоҷикистон Эмомалӣ Раҳмон ҳамтои русаш Владимир Путинро ба Тоҷикистон хонд.
“Бо истифода аз фурсат, бо камоли хушнудӣ аз Владимир Владимирович даъват ба амал овардам, ки дар вақти барояшон муносиб ба Тоҷикистон ташриф оранд”, - гуфт Раҳмон ҳангоми баромадаш дар шаҳри Маскав.
Гардиши молу маҳсулот миёни Тоҷикистону Русия дар соли гузашта 893,9 млн. долларро ташкил медиҳад.
Интиқоли пули муҳоҷирон аз Русия ба Тоҷикистон дар соли гузашта 2,6 млрд. долларро ташкил додааст.
Дар 10 соли ахир ҳаҷми сармояи Русия ба иқтисоди Тоҷикистон наздик ба 1,7 млрд. долларро ташкил дододааст. Аз ҷумла Сармояи мустақим аз Русия ба иқтисоди Тоҷикистон 930 млн. долларро ташкил додааст.
Имрӯз дар Тоҷикистон бо сармоягузории Русия 149 корхона фаъолият доранд. 40 корхона бевосита ба Русия тааллиқ дорад, 109 корхонаи дигар муштарак мебошанд.
