ДУШАНБЕ, 15 апр — Sputnik. Дар деҳоти Язгуломи ноҳияи Ванҷи ВМКБ, дафтари кории Шӯрои ҷамъиятӣ оид ба мусоидати ҷомеаи шаҳрвандӣ ба ислоҳоти милитсия дар назди ШВКД дар ноҳияи Ванҷ ифтитоҳ гардид.
Дар ин бора равобити умумии Вазорати умури дохила хабар медиҳад.
Гуфта мешавад, ки дафтари кории Шӯрои ҷамъиятӣ оид ба мусоидати ҷомеаи шаҳрвандӣ ба ислоҳоти милитсия дар назди ШВКД дар ноҳияи Ванҷ дар доираи ислоҳоти милитсия ва тақвият бахшидани ҳамкории милитсия бо мардум рӯзи 10-уми апрели соли 2019 боз шудааст.
Ин сохтмон бо дастгирии сафорати ИМА дар Тоҷикистон дар ҷамоати деҳоти Язгуломи ноҳияи Ванҷи ВМКБ ба баҳрабардорӣ расидааст.
Ба иттилои манбаъ, дар маросими кушодашавии дафтари кории Шӯрои ҷамъиятии мазкур кормандони ШВКД дар ноҳияи Ванҷ, намояндагони сафорати ИМА дар Тоҷикистон ва аҳли ҷамоатчигӣ иштирок намуданд.
Раҳимзода дар Фурудгоҳи Кӯлоб бинои шуъбачаи милитсия ифтитоҳ кард
Манбаъ афзуда, ки дафтари кории Шӯрои ҷамъиятӣ оид ба мусоидати ҷомеаи шаҳрвандӣ ба ислоҳоти милитсия барои боз ҳам тақвият бахшидани робитаи кормандони милитсия бо ҷомеаи шаҳрвандӣ дар самти мубориза бо ҷинояткорӣ, пешгирии ҳуқуқвайронкунӣ дар байни ноболиғону ҷавонон ва зӯроварӣ дар оила мусоидат менамояд.
