ДУШАНБЕ, 10 апр – Sputnik. Бино бар иттилои Вазорати умури дохилаи Тоҷикистон сокини ноҳияи Ҷ.Балхӣ, ҳангоми ҳаракат дар шоҳроҳи Душанбе-Панҷи поён, воқеъ дар ҳудуди н.Ҷ.Балхӣ, аз ӯҳдаи идораи воситаи нақлиёт набаромада, пиёдагарди ноболиғро пахш намудааст, ки дар натиҷа ба ҳалокат расидааст.
Тибқи иттилои манбаъ ҳодисаи нохуш рӯзи 9-уми апрели соли равон, тахминан соати 09:30-дақиқа рух додааст.
Манбаъ қайд намудааст, ки ронандаи автомашинаи тамғаи “Опел-Астра”, Негмонов Неъматҷон Шералиевич, соли таваллудаш 1984, сокини ноҳияи Ҷ.Балхӣ, ҳангоми ҳаракат дар шоҳроҳи Душанбе-Панҷи поён, воқеъ дар ҳудуди н.Ҷ.Балхӣ, аз ӯҳдаи идораи воситаи нақлиёт набаромада, пиёдагарди ноболиғ Шарипова Омина Сайбилоловна, соли таваллудаш 2015, сокини деҳаи Ленингради ноҳияи мазкурро, ки роҳи мошингардро аз канори рост ба канори чап убур мекард, пахш намудааст.
Манбаъ зикр намудааст, ки дар натиҷа, духтарчаи ноболиғ ҷароҳати ҷисмонӣ бардошта, дар беморхона ба ҳалокат расидааст.
Дар ҳоли ҳозир кормандони милитсия аз рӯи ин ҳодиса таҳқиқотро идома доранд.
