ДУШАНБЕ, 8 апр - Sputnik. Тибқи иттилои ВУД, ҳодиса 6-уми апрели соли 2019, тахминан соатҳои 19:50-дақиқа, дар ҳудуди шаҳри Бохтар рух додааст.
Манбаъ афзуд, Бахтиёр Мираҳмедов, ронандаи 26-солаи автомашинаи “Форланд”, ҳангоми ҳаракат ба тарафи ноҳияи Вахш ба самти муқобили ҳаракати роҳ баромада, ба автомашинаи тамғаи “Деу-Сиело”, таҳти идораи Мирзоев Сайназар Ҷурахонович, соли таваллудаш 1976, сокини ноҳияи Кушониён бархӯрдааст.
“Дар натиҷа, ронандаи автомашинаи тамғаи “Деу-Сиело” Мирзоев дар ҷои ҳодиса ба ҳалокат расида, мусофирони дохили он фарзандони ноболиғаш - Мирзоев Саидҷон, соли таваллудаш 2006, хонандаи синфи 6, Мирзоева Моҳшариф, соли таваллудаш 2007, хонандаи синфи 5, Мирзоев Саидҷафар, соли таваллудаш 2010, хонандаи синфи 2-юм, ҷароҳатҳои гуногуни ҷисмонӣ бардошта, дар беморхона бистарӣ шудаанд”, - иттилоъ дод ВУД Тоҷикистон.
Манбаъ таъкид кард, ки феълан таҳқиқи ин ҳодиса идома дорад.
