ДУШАНБЕ, 2 апр — Sputnik. Дар шаҳри Гулистони устони Суғди Тоҷикистон ширкати тавлиди “арматур” ба баҳрабардорӣ расид, иттилоъ додааст хабаргузории ТоҷикТА.
Манбаъ бо истинод ба вазорати саноеъи Тоҷикисто қайд кардааст, ки тавони солонаи ин коргоҳ тавлиди 50 ҳазор тонна арматур мебошад.
Бар асоси додаҳо, ширкат бо корбурди фанновариҳои имрӯзи чинӣ арматурҳои навъи 335, 400, 500 ва 600, ки диаметри аз 8 то 32-миллиметрӣ доранд, тавлид мекунад.
Коргоҳ ҳудуди 30 дарсади маводди хомро аз бозори дохилӣ харид мекунад ва боқӣ бар асоси тавофуқ аз Қазоқистон ворид мешавад. Маводди кимиёӣ, ки барои боло бурдани сатҳи сифати арматур истифода мегардад, аз Чин ворид мешавад.
