ДУШАНБЕ, 20 мар - Sputnik. Дар чорякфиналии озмуни байналмилалии "Ты супер!" Меҳрона Ғайбуллоева аз Тоҷикистон бо овозхони собиқ гурӯҳи ВИА Гра Албина Ҷанабаева ҳунарнамоӣ кард.
Меҳрона бо Ҷанабаева суруди "Алло, мам"-ро, ки овозхон онро дар ҳайъати гурӯҳи "ВИА Гра" иҷро кардааст, сурудааст.
Пас аз иҷрои тарона Албина Ҷанабаева ёдрас шудааст, ки дар ҷавонӣ ӯро низ дастгирӣ карда буданд ва барои Меҳрона Ғайбуллоева низ кӯмаки атрофиён муҳим аст.
"Албатта, дар ҷавонӣ дастгирӣ барои ҳама муҳим аст. Ба гуфтаи устодон бояд гӯш дод, гирди он андеша намуд ва аз болои камбудиҳои худ кор кард. Нафарони таҷрибадор камбудии бештареро метавонанд мушоҳида кунанд. Ҳаёт баъди лоиҳа метавонад тағйир ёбад: касе ҳунарманди ҳақиқӣ мешавад, касе барои худ роҳи дигареро интихоб мекунад. Агар касе аз кӯдакон дарк кунад, ки истеъдоди вай дар соҳаи дигар аст, ин шикасти вай не, пирӯзии ӯ мешавад. Аз ҳама муҳимаш - бояд дар ҳаёт роҳи худро пайдо кард", - гуфтааст ҳунарманд дар саҳна.
Ин ҳунарнамоии Меҳрона шаби якшанбе тариқи телевизиони НТВ намоиш дода мешад.
Меҳрона Ғайбуллоева соли дувум аст, ки дар озмуни мусиқии "Ту беҳтаринӣ!" ширкат мекунад.
Ин духтараки тоҷик соли гузашта то давраи нимниҳоӣ роҳ ёфта буд.
Озмуни "ту беҳтаринӣ!" аз ҷониби телевизиони НТВ ва оҷонсии байналмилалии иттилоотии Sputnik бо сарпарастии Вазорати маорифи Русия баргузор мешавад. Дар он танҳо кӯдакони ятим ва ба фарзандӣ қабулшуда ҳаққи иштирок карданро доранд.
