ДУШАНБЕ, 20 мар — Sputnik. Рӯзи сафари раисҷумҳури Тоҷикистон Эмомалӣ Раҳмон ба Русия дақиқ шуд. Кишвардор 17-уми апрел вориди Маскав мешавад. Дар ин бора вазири молияи Русия Антон Силуанов хабар додааст.
Ёдрас мешавем, ҳанӯз охирҳои моҳи феврал намояндаи тиҷории Русия дар Душанбе Михаил Кораблин хабар дода буд, ки Эмомалӣ Раҳмон бо сафари корӣ ба Русия меравад. Аммо рӯзи сафари раисҷумҳур дақиқ набуд.
Ба нақша гирифта шудааст, ки дар Русия конфронси ҳамкориҳои байниминтақавии ду кишвар баргузор шавад.
"Дар семоҳаи аввали соли равон ҳафтумин конфронси ҳамкориҳои байниминтақавии Тоҷикистону Русия ба нақша гирифта шудааст, ки дар кори он, мо умед дорем, сарони Русия Владимир Путин ва Тоҷикистон Эмомалӣ Раҳмон ширкат меварзанд, ки аҳамияти ин конфронсро бештар ва ҳамкориҳои ду кишварро наздиктар мекунанд", -гуфта буд ӯ.
