ДУШАНБЕ, 14 мар – Sputnik. Дар ин бора Федератсияи футболи Тоҷикистон аз қавли Асрор Шоҳраҷабов, мудири бошгоҳи “Истаравшан” хабар дод.
Шоҳраҷабов мегӯяд, Тоҳирҷон Муминов барои кор дар мақоми сармураббии тими Истаравшан то охири соли ҷорӣ созишнома имзо кард.
Муминови 48-сола дар гузашта нимҳимоятгари мунтахаби Тоҷикистон буд. Ӯ тайи ду соли охир тими шаҳри Душанбе – ЦСКА “Помир”-ро роҳбарӣ мекард ва дастаи мазкур таҳти роҳнамоии ӯ соли 2017 медали биринҷии мусобиқаи қаҳрамонии Тоҷикистонро ба даст овард.
Тоҳирҷон Муминов дар мақоми сармураббии “Истаравшан” сабқати нахустинашро бо тими “Панҷшер” дар даври аввали қаҳрамонии Тоҷикистон - 2019 мегузаронад. Мавсими нави сабқатҳо дар Лигаи олии Тоҷикистон 6-7 апрел оғоз мегардад.
