ДУШАНБЕ, 31 янв - Sputnik. Русия барои довталабони тоҷикистонӣ барои соли 2019, 630 бурсияи таҳсилотӣ ҷудо кард, иттилоъ додааст хабаргузории ТоҷикТА.
Манбаъ бо истинод ба Россотрудничество дар Тоҷикистон, афзудааст, ки дар Русия беш аз 20 ҳазор шаҳрвандони Тоҷикистон таҳсил мекунанд, ки қисме аз онҳо дар шакли буҷавӣ мехонанд. Ҳамагӣ 10 дарсади ин шумор ба воситаи бурсияҳои Россотрудничество ба таҳсил ҷалб шудаанд.
Дар муқойиса бо соли таҳсили 2018, имсол Русия барои шаҳрвандони Тоҷикистон 12 бурсия бештар ихтисос додаст.
Гуфта мешавад, ки тобистони соли ҷорӣ ҳукумати Русия барои довталабони тоҷик бурсияҳои иловагӣ барои таҳсил дар Русия ҷудо хоҳад кард, вале, шумор ва замони он ҳанӯз маълум нест.
