ДУШАНБЕ, 26 янв — Sputnik. Раисҷумҳури Тоҷикистон Эмомалӣ Раҳмон сокинони ҷумҳуриро бо ҷашни Сада муборакбод гуфтааст.
"Имрӯз, ки мо дар остонаи ҷашни Сада қарор дорем, ҳамаи ҳамватанони азизро ба ифтихори ин ойини деринаи мардумамон самимона табрик мегӯям", - омадааст дар он.
Ба гуфтаи раимҷумҳур, ниёгони мо панҷоҳ шабу панҷоҳ рӯзро то ҷашни Наврӯз ҳисоб карда, Садаро таҷлил мекарданд. Яъне Сада ҷашни омодагӣ ба Наврӯз буда, ин ду ҷашни қадима бо ҳам тавъам мебошанд. Мувофиқи сарчашмаҳои таърихӣ сабаби Сада номгузорӣ шудани ин ҷашн низ дар ҳамин аст.
Раисҷумҳур афзудааст, "сада, ки аслан ҷашни деҳқонон мебошад, бовар дорам, ки кишоварзони асили мо дар баробари таҷлили ин ҷашн ба масъалаҳои сари вақт шурӯъ кардани корҳои саҳроӣ ва гузоштани заминаи мустаҳкам барои истеҳсоли маҳсулот таваҷҷуҳи ҷиддӣ зоҳир менамоянд".
Ҳамчунин раисҷумӯҳур аз олимону донишмандон тақозо кардааст, ки Садаро омӯхта, байни мардум тарқиб кунанд.
"Ба олимону донишмандон зарур аст, ки паҳлуҳои норавшан ва аҳаммияти ин ҷашнро омӯзанд, арзишҳои онро ба мардум, хусусан, ба наврасону ҷавонон ҳамчун мероси фарҳанги миллиамон ва омили худогоҳиву худшиносии наслҳо таблиғ намоянд", - менависад дафтари матбуотӣ аз суханони президент.
