ДУШАНБЕ, 8 янв — Sputnik. Вазорати умури дохилаи Тоҷикистон аз боздошти марди ҷавоне барои ташкили фоҳишахона хабар медиҳад: ӯ ду манзилашро дар Душанбе ба фоҳишахона табдил дода аз ин ҳисоб даромад мегирифтааст.
Бино бар иттилои манбаъ, мард 26 сол дошта, сокини кӯчаи Муҳаммадиеви пойтахт аст.
Гуфта мешавад, вай рӯзи 6-уми январи соли 2019, тахминан соати 15:00-дақиқа, хонаи истиқоматиаш, воқеъ дар кӯчаи Навбаҳоррро ба фоҳишахона табдил дода, барои алоқаи ҷинсӣ намудан ба марди 29-солаи сокини ноҳияи Рӯдакӣ ва зани 27-солаи сокини шаҳри Ҳисор, шароит фароҳам оварда, аз онҳо 150-сомонӣ гирифтааст.
Ҳамчунин номбурда, рӯзи 6-уми январи соли 2019, хонаи истиқоматиаш, воқеъ дар кӯчаи Н.Махсумро ба фоҳишахона табдил дода, барои алоқаи ҷинсӣ намудан ба марди 19-сола ва зани 38-солаи сокинони шаҳри Душанбе шароит фароҳам оварда, аз онҳо 250-сомонӣ гирифтааст.
Аз рӯи ин ҳодиса парвандаи ҷиноятӣ оғоз гардида, тафтишот идома дорад.
