Раисҷумҳури Русия Владимир Путин дар рафти сафар ба Санкт Петербург барои ором кардани духтараке аз роҳаш баргашт.
Путин 7 январ аз қалъаи Петропавловск дидан кард. Дар рафти сафар сокинони зиёде раисҷумҳурро ҳамроҳӣ мекарданд ва мехостанд бо ӯ акс гиранд. Аз баски мардум зиёд буду вақти раисҷумҳур кофӣ набуд, на ҳама тавонистанд бо президент акс гиранд.
Духтараке, ки дар тан палтои кабутак дошт, барои бо раисҷумҳур акс гирифта натавонистанаш, гиря кардааст.
Дар навор мошини раисҷумҳур дида мешавад, ки дар он парчами Русия насб гардидааст. Путин аллакай дар дохили мошин буд, ки чашмаш ба духтарак афтод: ӯ гиря мекрд, ки натавонист бо президент акс гирад.
Раисҷумҳур аз роҳаш баргашт ва аз мошин берун шуд. Посбони президент духтаракро ба наздиктар даъват кард.
"Гиря накун, барои чӣ мегирйӣ? - гӯён раисҷумҳур духтаракро бар оғӯш мегирад.
Духтарак дар посух мегӯяд, ки мехост бо президент акс гирад, барои ҳамин ғамгин шуд.
Модари духтарак дар ҳамин ҳол зуд духтарашро бо президент акс мегирад.
