ДУШАНБЕ, 24 дек – Sputnik.Тибқи ин пажуҳиш, ки ахиран дар Душанбе муаррифӣ гардид, айни замон 96 дарсади таваллуди кӯдакон дар муассисаҳои тиббӣ сурат мегирад. Ин рақам панҷ сол қабл 88 дарсадро дар бар мегирифт, хабар додааст нашрияи “Ҷумҳурият”.
“Дар ин муддат, вазъи қадпастию камвазнии кӯдакони то панҷсола аз 26 дарсади соли 2012 то 18 дарсад коҳиш ёфтааст”, - афзудааст манбаъ.
Таҳқиқоти мазкур бо дастури Ҳукумат бо мақсади пайдо кардани маълумоти дақиқ дар бораи вазъи таваллуд, исқоти ҳамл, банақшагирии оила, фавти навзодон, солимии модару кӯдак, ғизо, СПИД, бемориҳои бо роҳи ҷинсӣ гузаранда ва масоили дигари солимию некуаҳволӣ дар кишвар амалӣ шудааст.
