ДУШАНБЕ, 22 дек — Sputnik. Тибқи иттилои ВУД, сокини 59-солаи деҳаи Ёрии шаҳри Панҷакент, 8-уми декабри соли 2018, тахминан соати 22:00 дар ҳолати мастӣ дар хонаи истиқоматиаш бо марди 38-солаи ҳамдеҳааш ҷанҷол кардааст.
Манбаъ афзуд, зимни муноқиша, марди солхӯрда бо чӯб якчанд маротиба ба аъзои баданаш зада, ба ӯ ҷароҳати ҷисмонӣ расонидааст.
Мувофиқи хулосаи ташхиси судӣ-тиббӣ ҷароҳати бардоштаи ҷабрдида зарари вазнин ба саломатӣ дониста шудааст.
Феълан алайҳи муттаҳам бар асоси модддаи 110 қисми 1-и Кодекси ҷиноятии Тоҷикистон оғоз гардида, тафтишот идома дорад.
