Корманди комиссариати ҳарбӣ барои порагирӣ дастгир шуд

Обуна шудан
Кормандони ожонсии мубориза бо коррупсияи Тоҷикистон корманди комиссариати ҳарбӣ барои гирифтани пора барои ба таъхир андохтани муҳлати даъват ба хизмати ҳарбӣ ва додани билети ҳарбӣ дастгир карданд

ДУШАНБЕ, 20 дек — Sputnik.  Бино бар иттилои ожонсии назорати давлатии молиявӣ ва мубориза бо коррупсияи Тоҷикистон мутахассиси пешбари зершуъбаи даъват ва тайёрии ҷавонон ба хизмати ҳарбии Комиссариати ҳарбии ноҳияи Рӯдакӣ Сироҷиддин Мирзомуддинро барои порагирӣ дастгир намудааст.

“Ба Агентӣ шаҳрванд “А”муроҷиат кард, ки мутахассиси пешбари зершуъбаи даъват ва тайёрии ҷавонон ба хизмати ҳарбии Комиссариати ҳарбии ноҳияи Рӯдакӣ Сироҷиддин Мирзомуддин бо истифодаи мақоми хизматӣ аз ӯ барои ба таъхир андохтани муҳлати даъват ба хизмати ҳарбӣ ва додани билети ҳарбӣ маблағи 4000 сомонӣ талаб намудааст”,- гуфт манбаъ.

Портфель, архивное фото - Sputnik Тоҷикистон
Ожонси мубориза бо фасод: мансабдори давлатӣ 10000 сомонӣ пора гирифт

Манбаъ таъкид намудааст, ки Сироҷиддини Мирзомудин ҳангоми гузаронидани амалиёти оперативӣ-тафтишоӣ баъди аз шаҳрванд “А” гирифтани маблағи 4000 сомонӣ дар ҷои ҳодиса дастгир гардида маблағи мазкур ҳамчун далели шайъӣ аз ӯ ёфта гирифта шуд.

Кормандони Ожонсӣ доир ба ҳолат мазкур 18 октябри соли равон нисбати Сироҷиддини Мирзомудин бо моддаи 247 қисми 2 бандҳои “в,г” КҶ Тоҷикистон парвандаи ҷиноӣ оғоз карданд.

Баъди ба анҷом расидани тафтиши пешакӣ парвандаи ҷиноятӣ нисбати Сироҷиддини М. барои моҳиятан баррасӣ кардан ба суд ирсол карда шуд.

Лентаи хабарҳо
0