ДУШАНБЕ, 17 дек — Sputnik. Дар семоҳаи сеюми соли равон муҳоҷирони меҳнатии Тоҷикистон аз Русия ба кишварашон тавассути низомҳои интиқоли маблағ 253,8 миллион интиқол доданд, иттилоъ додааст Бонки марказии Русия.
Интиқоли маблағ ба Тоҷикистон тавассути низомҳои интиқоли пул сурат гирифтааст.
Таъкид шудааст, ки ҳаҷми миёнаи интиқоли маблағҳо аз Русия ба Тоҷикистон 534 долларро ташкил додааст.
Дар маҷмӯъ муҳоҷирони меҳнатии Тоҷикистон дар семоҳаи сеюми соли равон ба ватанашон 925,8 миллион доллар интиқол додаанд.
Дар ҳамин ҳол, аз Тоҷикистон ба Русия ҳамагӣ 28 миллион доллар маблағ интиқол дода шудааст. Ҳаҷми миёнаи интиқоли маблағҳо аз Тоҷикистон ба Русия 562 долларо ташкил додааст.
Тибқи иттилои манбаъ, Узбакистон дар интиқоли маблағ миёни кишварҳои ИДМ дар семоҳаи сеюми соли равон ҷои аввалро ишғол намудааст. Дар семоҳаи соли равон муҳоҷирони меҳнатии Узбакистон ба кишварашон беш аз 3 миллиард доллар интиқол додаанд.
