Ҳаҷвнигори номии рус Евгений Петросян аз хабари марги ҳамкору ҳаммаслакаш Обид Асомов сахт шигифтзада аст. Ӯ дар мусоҳиба бо хабарнигори Sputnik Узбекистон аз мулоқоти ахираш бо ҳунарманд нақл кард ва ба хонаводаи вай изҳори ҳамдардӣ намуд.
Пештар хабар дода шуд, ки ҳаҷвнигори номии Узбакистон Обид Асомов дар пайи сактаи қалб даргузашт.
Петросян мегӯяд, ки ба ин хабар бовар кардан намехоҳад.
"Мехоҳам, ки ин хабар дурӯғ бошад. Ҳеҷ боварам намеояд. Ҳамагӣ 10 рӯз пеш мо як рӯзи дароз дар Тошканд бо ҳам будем, нақша мекашидем. Мисле ки одам дар роҳи рӯшноие меравад, аммо якбора ба ҷарие меафтад, ки аз он баромада намешавад. Даҳшат!", - мегӯяд бо андӯҳ вай.
Петроян афзуд, ки Обид Асомов ҳаҷвнигори асил буд. Фарҳангу маданияти баландаш, натиҷаи на танҳо шӯҳрат, балки муҳаббату эҳтироми мухлисонаш гардид.
"Ин барои ҳаҷвнигор бисёр муҳим аст ва Обид Асомов тамоми ин хислатҳоро табиатан дошт. Вақте ки инсон чизеро ҳаҷв мекунад, ҳатто агар бадӣ бошад ҳам, нишом медиҳад, ки барои ислоҳ аст, одамон ба вай эътиқод мекунанд", - таъкид дошт вай.
Петросян дар бораи нақшаҳои эҷодии Асомов мегӯяд, ки ҳунарманд хело фаъол буд, ӯ дар пайиа амалӣ намудани тарҳҳояш дар кино ва эстрада буд.
"Ман ба хонаводаи вай, изҳори ҳамдардӣ мекунам ва сабри ҷамил мехоҳам. Ёди ӯ то абад дар хотираҳои мо мемонад. Ӯ дар сабтҳои бешумори худ фаъолияти эҷодиашро идома хоҳад дод", - гуфт вай дар анҷом.
Маросими видоъ бо ҳунарманд имрӯз, 15 декбар дар маҳаллаи Кӯкчаи Тошканд баргузор мешавад.
