Шарҳи Раёсати оташнишонӣ аз таркиши балони газ дар Душанбе

© Sputnik / Стас ЭтвешМашина скорой помощи в Таджикистане, архивное фото
Машина скорой помощи в Таджикистане, архивное фото - Sputnik Тоҷикистон
Обуна шудан
Дар натиҷаи таркиш 4 нафар маҷрӯҳ гардида, феълан зери назорати табибон қарор доранд

ДУШАНБЕ, 4 дек — Sputnik. Раёсати оташнишонии шаҳри Душанбе ҳодисаи таркиши балони газ дар маҳаллаи 61-уми шаҳри Душанберо, ки дар натиҷа чаҳор тан ҷароҳат бордоштанд, тавзеҳ додааст.

Оҷонсии "Ховар" дар истинод ба раёсати оташнишонӣ менависад, ки ҳодиса имрӯз, 4 декабр тақрибан соатҳои 13:25 дар назди мағозаи қисмҳои эҳтиётии автомашинаҳои навъи “Хенкук”, воқеъ дар маҳаллаи 61-уми ноҳияи Фирдавсии шаҳри Душанбе рух додааст.

Гуфта мешавад, ки дар натиҷаи таркиш шаҳрвандон Бедилов Хуҷа, соли таваллудаш 1990, истиқоматкунандаи шаҳри Душанбе, кӯчаи Бухоро, бинои 29, хонаи 4, Шарипов Аҳлиддин, соли таваллудаш 1989, истиқоматкунандаи шаҳри Душанбе, кӯчаи Заҳматобод, хонаи 367, Шоев Сабзалӣ, соли таваллудаш 1980, истиқоматкунандаи шаҳри Душанбе, кӯчаи Сурхоб, хонаи 372 ва Ёраков Парвиз, соли таваллудаш 1990, истиқоматкунандаи ноҳияи Рӯдакӣ, ҷамоати Чимтеппа, деҳаи Пахтакор осеби сабуки ҷисмонӣ бардоштаанд. Ҳолати саломатии номбурдагон муътадил буда, зери назорати табибон қарор доранд.

Таҳқиқи ҳодиса идома дорад.

Лентаи хабарҳо
0