ДУШАНБЕ, 4 дек — Sputnik.Тибқи гузориши сомонаи Хадамоти гумруки минтақаи Сибири Русия нисбати се ширкате, ки ба содироти чӯбу тахта ба Тоҷикистону Афғонистон машғул буданд парвандаи ҷиноӣ боз карда шудааст.
Дар гузориши мазкур номи ширкатҳо зикр нашуда аст, аммо гуфта шудааст, ки онҳо дар Тоҷикистон сабти ном шудаанд ва машғули воридоти чӯб аз вилояти Иркутски минтақаи Сибир Русия будаанд.
Инчунин, дар гузориши мазкур як ширкати дигаре низ ёд шуда аст, ки воридоти чӯб аз Русия ба кишвари Афғонистон машғул будааст. Ин ширкат дар Бритониё сабт шудаст.
Гуфта мешавад, иллати ифтитоҳи парванда алайҳи ин се ширкат пардохт накардани маблағи хариди чӯб аз сӯйи онҳо будааст. Кулли ин маблағ 587,3 ҳазор доллар баровард шудааст.
