ДУШАНБЕ, 2 дек — Sputnik. Рустам Шоҳиён, муовини якуми раиси Кумитаи ҳолатҳои фавқулода ва мудофиаи граждании Тоҷикистон, ҳафтаи равон зимни муаррифии лоиҳаи мазкур дар парлумон гуфт, то ҳол сохторҳои садамавию наҷотдиҳӣ танҳо дар шаҳри Душанбе ва маркази вилоятҳо вуҷуд доштанд.
“Сохторҳои номбурда ҷиҳати пешгирӣ ва рафъи ҳолатҳои фавқулода таъсис ёфта, амал менамоянд”, - таъкид намуд Шоҳиён.
Вакилони Маҷлиси намояндагон тағйироти мазкурро, ки аз ҷониби Ҳукумат пешниҳод шуда буд, қабул намуданд.
