ДУШАНБЕ, 30 ноя — Sputnik. Тоҷикистон ба 30-гонаи кишварҳои ришваситон ворид шудааст.
Форуми умумиҷаҳонии иқтисодӣ дар охирҳои моҳи октябр дар ҳошияи ҳисоботи рақобатпазирии Competitiveness Report феҳристи ҳамасолаи фасодро пешниҳод кардааст.
Нашрияи Business Insider онро таҳқиқ карда, феҳристи кишварҳоеро тартиб додааст, ки дар онҳо ришваситонӣ "вусъат ёфтааст".
Сатҳи ришваситониро дар 140 кишвари дунё муаллифони раддабандӣ тариқи миқиёси аз 1 то 100 баҳогузорӣ кардаанд, ки 100 нишонаи дар кишвар вуҷуд надоштани фасод ва адади 0 баръаксро нишон медиҳад.
Дар ин феҳристи кишварҳои 30-гона Серра-Леоне, Эрон, Украина ва Гамбия ахиронанд ва ҳар яке 30-холӣ ба даст овардаанд.
Русия, Парагвай, Мексика, Лаос, Ҷумҳурии Доминикана, Гондурас ва Қирғизистон як мақом поёнтан қарор дошта, 29-холӣ гирифтаанд.
Тоҷикистон баробари Конго ва Камбоҷа 21 хол ба даст овардааст.
Мувофиқи ин раддабандӣ аз ҳама кишварҳои ришваситон Чад, Ангола, Венесуэла ва Яман будаанд.
Ёдрас мешавем, пештар Тоҷикистон ҷазо барои фасодро сангинтар карда буд. Ришваситонон минбаъд, мувофиқи қонунгузорӣ наметавонанд бо ҷарима халос шаванд. Онҳоро ҳатман зиндон интизор аст.
