Ба гуфтаи коршинос, Тоҷикистон бояд ниҳоди байнидавлатие бо ҷалби мақомоти амниятӣ ташкил кунад, ки бозгашти ифротгароёни пушаймонро ба ватан пайгирӣ кунад.
"Нафароне, ки бармегарданд, аммо дар ҷангҳои хориҷӣ хун рехтаанду куштаанд - онҳо пойгоҳи таблиғотие барои террористон мешаванд", - мегӯяд ӯ.
Жилин таъкид мекунад, ки ин пойгоҳи таблиғотиро бояд безарар гардонид, то онҳо дубора ба гурӯҳҳои террористӣ шомил нашаванд.
Барои мубориза бо терроризм метавон аз воситаҳои гуногун истифода кард. Нобуд кардани ҷангиён роҳи ягонаи мубориза бо онҳо нест.
"Баъзан ҷонибе, ки зидди террористон мубориза мебарад, барои аз даст надодани низомиён, аз террористон талаб мекунад, ки таслим шаванд", - тавзеҳ дод Жилин.
Коршинос афзуд, ки дар ин ҳолат ҷангиёне, ки дар қатли оми аҳолӣ иштирок накардаанд, бахшида мешаванд.
