ДУШАНБЕ, 26 ноя — Sputnik. Бино ба иттилои Мақомоти вилояти Суғд, давоми нуҳ моҳи соли равон 25 287 сайёҳи дохилию хориҷӣ бо мақсади сайру саёҳат ва истироҳату табобат аз минтақаҳои таърихӣ ва истироҳатгоҳи шаҳри Исфара боздид намуданд.
Бино бар иттилои манбаъ, сайёҳони хориҷӣ асосан аз Русия, Узбакистон, Қазоқистон, Қирғизистон, Афғонистон, Австрия, Шветсия, Эрон ва Арабистони Саудӣ мебошанд.
Ба иттилои манбаъ бо назардошти нақши соҳаи сайёҳӣ дар баланд бардоштани сатҳи зиндагии мардум дар “Соли рушди сайёҳӣ ва ҳунарҳои мардумӣ” дар шаҳри Исфара харитаи ҳунарҳои мардумӣ таҳия гардида, дар нуҳ моҳи сипаришуда 8 маротиба намоишгоҳи ҳунарҳои мардумӣ гузаронида шудааст.
