ДУШАНБЕ, 22 ноя — Sputnik. Дар ин бора корбарони интернет аз навоҳии Рӯшон, Шуғнон, Роштқалъа ва шаҳри Хоруғ иттилоъ доданд.
Ба иттилои мусоҳибон интернети мобилӣ дар шаҳру навоҳии ВМКБ шоми имрӯз барқарор гардид.
“Интернет ҳоло чандон муназзам ва устувор нест. Пайдо шуд, аммо ҳанӯз каме мушкил дорад. Гоҳо гум мешавад”, - изҳор дошт як корбари интернет аз Хоруғ.
Ба гуфтаи корбарон дастрасӣ ба шабакаҳои иҷтимоӣ, аз ҷумла Фейсбук низ барқарор шудааст.
Шабакаҳои иҷтимоӣ дар Тоҷикистон, аз ҷумла Фейсбуку Ютуб дар пайи ҳамоиши эътирозии 6 ноябр дар шаҳри Хоруғ масдуд шуда, дар навоҳии ВМКБ хадамоти интернетрасонӣ пурра қатъ гардида буд.
