ДУШАНБЕ, 8 ноя — Sputnik. Тибқи иттилои Кумита, 6 ноябри соли равон сокини 19-солаи ноҳияи Рашт дар натиҷаи риоя накардани қоидаҳои бехатарӣ ҳангоми ҷамъоварии ҳезум лағжида, ба дарёи Сурхоб афтидааст.
Манбаъ афзуд, ки ҷасади ҳезумчини ҷавон 7 ноябри соли равон ду километр дуртар аз маҳалли ҳодиса пайдо карда шуд.
КҲФ аз шаҳрвандон даъват намудааст, ки ҳангоми номусоидии боду ҳаво аз сафар ба минтақаҳои куҳӣ худдорӣ намоянду кӯдаконро ба чарондани чорвою ҷамъоварии ҳезум ҷалб насозанд.
