ДУШАНБЕ, 10 окт — Sputnik. Варзишкори Русия Ҳабиб Нурмуҳаммедов хабар додааст, ки нақша дорад дар ҳошияи форуми "Русия - кишвари варзиш" дар Уляновск бо раисҷумҳури Русия Владимир Путин мулоқот кунад.
Ӯ дар мусоҳиба бо хабарнигорон таъкид доштааст, ки бо Путин дидор хоҳад кард.
"Мо барои мулоқот бо раисҷумҳур ба ҳамоиш меравем", - гуфтааст вай дар посух ба суоли хабарнигорон.
Нурмуҳаммедов ҳафтаи равон дар мусобиқаи қаҳрамонии муҳорибаҳои омехта пирӯз шуд. Ин пирӯзиро Владимир Путин тариқи телефон ба Нурмуҳаммедов шодбош гуфтааст.
Ҳамоиши "Русия - кишвари варзиш" бо як фармони президент соли 2009 ташкил карда шудааст.
Имсол дар он бештар аз се ҳазор меҳмонони дохиливу хориҷӣ - намояндагони соҳаи варзиш иштирок мекунанд.
