ДУШАНБЕ, 7 окт - Sputnik. Рамазон Қодиров, раисҷумҳури Чеченистон, Ҳабиб Нурмуҳаммедовро барои пирӯзиаш бар варзишкори ирландӣ Конор Макгрегор табрик кард.
Ба гуфтаи вай, Макгрегор фикр мекард, ки рақобат бо Ҳабиб барои ӯ осон аст ва ӯ ба осонӣ пирӯзи ба даст меорад.
Аммо Ҳабиб аз лаҳзаҳои аввал интизориҳои Конарро бар бод дода, рақибашро аз димоғчоқӣ бедор кард, навиштааст Қодиров дар Telegram.
“Мо ба Ҳабиби мағлубнашаванда бовар доштем. Конор фикр мекард, ки рақобат бо Ҳабиб осон аст ва ӯ ба осонӣ пирӯз мешавад. Лаҳзаи ҳақиқат дар майдони ҳашкунҷа (октагон) расид. Ҳабиб аз лаҳзаҳои аввал рақибашро аз хоб бедор кард. Рақиб фаҳмид, ки Ҳабиб беҳтарин рассомест, ки метавонад симои ӯро ба тасвири бо рангҳои сурх кашида шуда табдил диҳад”, - таъкид кард Қодиров.
Just in case you missed the CHAOTIC ending to the McGregor/Khabib fight
— TurnbuckleTopics (@TT_4You) October 7, 2018
Take a look 👇🏼👇🏼#UFC #mcgregorvskhabib pic.twitter.com/qCQYPeHPa8
Имрӯз мухлисони варзиш дар тамоми гушаву канори дунё рақобати Ҳабиб ва Конарро, ки дар Лас-Вегаси Амрико баргузор шуд, тамошо карданд. Ҳабиб Нурмуҳаммедов, варзишкори Русия ба Конор Макгрегор, варзишкори ирландӣ пирӯз шуд.
Mayhem at #UFC229 after Khabib wins. Crazy Stuff. #UFC229 #KhabibMcGregor #McGregorvsKhabib #KhabibvsMcGregor pic.twitter.com/alULsxgv6w
— Rahul (@Rahul_Ranjan) October 7, 2018
Ҳабиб пас аз нафасгир кардани Конор бо касе аз мухлисони вай аввал баҳс даромад ва худро аз майдон ба сӯи ҳайъати мураббиёну ҷонибдорони Конор партофта, ба онҳо дарафтод. Ин амали вай баҳси калонеро миёни мухлисон ва доварон ба амал овард. Дар анҷом, пирӯзиро бидуни ҳузури ду варзишкор эълон намуданд. Ҳабиб камарбанди қаҳрамониашро ҳифз кард.
