ДУШАНБЕ, 18 сен — Sputnik.Бозии аввали ин дастаҳо дар Варзишгоҳи марказии шаҳри Ҳисор бо ғалабаи дастаи "Хуҷанд" бо ҳисоби 2:0 ба анҷом расида буд. Дар бозии дирӯза бозингарони "Барқчӣ" ташаббус нишон дода, тавассути тӯбҳои задаи Шарфҷон Солеҳов (30, 1:0) ва Тоҳир Малодӯстов (31, 2:0) натиҷаи умумиро дар силсилаи ду бозӣ баробар карданд.
Ду қисми иловагӣ низ натиҷаи дилхоҳ надод ва довар барои муайян кардани ғолиб ба задани силсилазарбаҳои 11-метра рӯ овард. Дар натиҷа футболбозони "Хуҷанд" бо натиҷаи 4:2 ғалаба карда, ба даври бозиҳои ½-ниҳоӣ роҳхат гирифтанд ва ҳамакнун ғолиби ҷуфти "Регар-ТадАЗ" ва "Хатлон"-ро интизор мешаванд.
