ДУШАНБЕ, 16 авг — Sputnik. Тибқи иттилои дафтари матбуоти ВУД, боздоштшуда бо зани 21-сола, сокини дигари ноҳияи Деваштич муносибати ошиқона доштааст.
"Сипас бо таҳдиди он, ки навори ҳолати урёни ҷавонзанро дар шабакаи интернетӣ паҳн мекунад, аз ӯ маблағи 5000 сомонӣ талаб намудааст", — омадааст дар иттилоияи ВУД.
Манбаъ афзуд, ки 14-уми августи соли 2018, марди муттаҳам ҳангоми гирифтани 4 ҳазор сомонӣ аз зани мазкур дар ҳудуди беморхонаи ноҳияи Деваштич дастгир гардида, далели шайъӣ аз ӯ гирифта шуд.
"Нисбати номбурда парвандаи ҷиноятӣ бо моддаи 250 қ-1 Кодекси ҷиноятии Ҷумҳурии Тоҷикистон оғоз гардида, тафтишот идома дорад", — изҳор доштааст ВУД.
