ДУШАНБЕ, 10 авг — Sputnik. Саидамирхон Саидаҳмадов, ҷавони 24-солаи тоҷик дар шаҳри Сочӣ аз зарби корд ба ҳалокат расидааст.
Тавре наздикони марҳум иттилоъ доданд, ҳодиса субҳи 9-уми август рух дода, далели қатлаш ошиқӣ бо духтари тотор будааст. Муттаҳамон, ки аз наздикони духтари тотор будаанд, феълан боздошт гардидаанд. Саидамирхон бо духтари тотор моҳи ноябри соли гузашта, вохӯрда дил додааст.
Ҷасади Саидамирхон, ки имсол бояд донишгоҳи Сочиро хатм мекард, ба зудӣ ба Ватан интиқол дода шуда, дар зодгоҳаш шаҳри Исфара ба хок супорида мешавад.
