ДУШАНБЕ, 23 июл — Sputnik. Дар шаҳри Исфара бародаре ба бародаре корд зад, хабар медиҳад Вазорати умури дохилаи Тоҷикистон.
Бино бар иттилои манбаъ, ҳодиса 21-уми июли соли ҷорӣ, тахминан соати 15:50 дар ҷамоати деҳоти Шаҳраки шаҳри Исфара рух додааст.
Гуфта мешавад, марди 44-cола дар манзили истиқоматии бародари 50-солааш ҷанҷол карда, бо корд ду маротиба ба шиками ӯ задааст.
Дар натиҷа, марди 50- сола ҷароҳати вазнини ҷисмонӣ бардошта, дар беморхона бистарӣ гаштааст.
Аз рӯи ин ҳодиса тафтишот идома дорад.
