ДУШАНБЕ, 15 июн — Sputnik. Муовини аввали Кумитаи Маҷлиси Русия дар масоили ИДМ, ҳамгироии авруосиёӣ ва иртибот бо ҳаммеҳанон Константин Затулин пешниҳод кард, ки дар Русия тартиби гирифтани шаҳрвандӣ осон шавад.
Ба гуфтаи Затулин, бо ин роҳ Руссия даҳҳо миллион ҳаммеҳанонашро ба ватан бар мегардонад.
Вай пешниҳод кард, ки шаҳрвандони хориҷӣ тавонанд бе даст кашидан аз шаҳрвандии кишвари худ, дар Русия иҷозатномаи иқоматии доимӣ ба даст оранд. Вай ин мавқеашро чунин тавзеҳ дод, ки ҳаммеҳанони Русия- халқиятҳое ҳастанд, ки аз қадим дар кишвар зиндагӣ мекарданд.
"Гап дар бораи даҳҳо миллион нафар меравад. Агар онҳо шаҳрванди Русия шаванд, ба кишвар зараре мерасад?", — изҳори нигаронӣ кардааст вай.
Ба гуфтаи вакил, дар ҳоли содда кардани тартиби гирифтани шаҳрвандӣ, хориҷиёни бештаре ҷалб мешаванд. Зеро бештари нафаронеро, ки соҳиби шаҳрвандии Русия шудан мехоҳанд, коғазбозии зиёд метарсонад.
Затулин афзуд, ин масъаларо дар дидор бо роҳбари раёсати давлативу ҳуқуқии раисҷумҳур Лариса Бричева рӯзи 21 июн баррасӣ хоҳад кард.
Пештар раисҷумҳури Русия Владимр Путин дар рафти мулоқот бо шаҳрвандони Русия дар рафти пахши мустақим гуфта буд, бояд Русия тартиби гирифтани шаҳрвандиро озод кунад.
