Тамоми барномаи сафари раисҷумҳури Белорус ба масалаҳои иқтисодӣ вобаста буд.
Дар фарҷоми музокирот 15 созишнома дар аксари соҳаҳои калидии ҳамкориҳои Тоҷикистону Беларус, инчунин барномаи густариши беҳбуди рушди ҳамкориҳои дуҷониба дар соҳаҳои муҳими иқтисодӣ то солӣ 2020 ба имзо расид.
Александ Лукошенко бо тантана аз намоишгоҳи молу колоҳои Белорус дидан кард ва раисҷумҳури Тоҷикистон Эмомалӣ Раҳмонро бо шоколади "Президент", ки худ омода кардааст, меҳмондорӣ кард. Ҳамчунин сиёсатмадорон корхонаи тракторбарории муштараки Тоҷикистону Белорусро ҶСП "Агротехсервис" дар Ҳисор ифтитоҳ намуданд.
Дар Душанбе бузургтарин намоиши молу колоҳои Белорус баргузор шуд. Дар панҷ соли ахир Белорус дар хориҷ аз кишвар чунин намоиши молу колоҳоро ташкил накарда буд. Инчунин дар пойтахти Тоҷикистон шаҳри Душанбе форуми тиҷоратии тоҷирони Белорусу Тоҷикистон баргузор шуд.
Бо супориши Лукашенко дар вилоятҳои Брест ва Гомели Белорус ду боғи меваба номи Эмомалӣ Раҳмон бунёд хоҳад шуд. Дар онҷо меваҳо аз минтақаҳои куҳии Тоҷикистон, ки ба боду ҳавои сард мутобиқ ҳастанд парвариш хоҳад шуд.
Дар ҳамин ҳол дар Тоҷикистон боғи гелоси дӯстии Тоҷикистону Белорус бунёд мешавад.
