ДУШАНБЕ, 25 апр— Sputnik. Дар Тоҷикистон заминларза ба қайд гирифта шудааст, хабар медиҳад Маркази зилзилашиносии Урупо (EMSC).
Заминҷунбӣ соати 15:52 бо вақти Гринвич (20:52 бо вақти Душанбе) рух додааст, омадааст дар хабарнома.
Дар Душанбе заминларза бо қувваи 2 баллӣ эҳсос шудааст.
Қувваи заминларза дар марказаш 3 баллро ташкил додааст. Маркази он 272 километр шарқтар аз шаҳри Душанбе, дар ҳудуди Афғонистон воқеъ будааст.
Коршиносон қайд мекунанд, ки ин ҳодиса харобие дар пай надоштааст.
Map of the testimonies received so far following the #earthquake M4.7 in Hindu Kush Region, Afghanistan 45 min ago pic.twitter.com/2HEl9tqoaS
— EMSC (@LastQuake) 24 апреля 2018 г.
Ёдоварӣ мекунем, ки авоили моҳи апрел дар ҷануби Тоҷикистон дар паи заминларза 60 манзили зист вайрон шуда буд. Аз ин ҳисоб ҳафт хона пурра хароб гардида буд.
