ДУШАНБЕ, 16 апр — Sputnik. Муовини аввали вазири ҳолатҳои фавқуллода полковник Комилҷон Орипов аз вазифааш барканор шуд, хабар медиҳад UzNews.uz бо такя ба манобеъи худ дар ин ниҳод.
Қайд мешавад, ки Комилҷон Мирсаидовичи 48-сола, ки аз моҳи январи соли 2013 инҷониб муовини аввали вазири ҳолатҳои фавқуллода буд, аз вазифааш озод шуд. Вале ҷои кори наваш то ҳол ифшо нашудааст. Чуноне, ки дар бораи таъйини муовини нави вазири КҲФ низ хабаре нест.
Пештар раисҷумҳури Узбакистон Шавкат Мирзиёев вазири нави шуғли аҳолиро таъйин кард.
Тибқи қарори Мирзиёев, Шерзод Қутбиев, ки аз моҳи сентябри соли 2016 ҳокими ноҳияи Мирзо-Улуғбеки Тошканд буд, вазири шуғли аҳолӣ ва муҳоҷират таъйин шуд.
Ҳокими пешини ноҳияи Алмазари шаҳри Тошканд бошад, вазири сохтмони Узбакистон таъйин шудааст.
