ДУШАНБЕ, 5 апр — Sputnik. Русия ва Тоҷикистон баҳси ҳавоиро, ки чанде боз миёни ин кишварҳо гарм шуда буд, ҳал кард.
Ҳамин тавр ба ҷадвали парвозҳои тобистона, 4 масири нави парвоз: Перм-Душанбе, Жуковский-Кӯлоб, Челябинск-Хуҷанд ва Краснодар-Хуҷанд илова шуданд.
Бояд гуфт, ки дар умум тибқи маълуот ҳаҷми парвоз миёни Тоҷикистону Русия дар соли гузашта, то 14 дарсад зиёд шудааст.
Баҳси ҳавоӣ миёни Тоҷикистону Русия моҳи июни соли 2016, замоне, ки ширкати "Уралские авиалинии" барои парвоз аз фурудгоҳи Жуковский ба Тоҷикистон иҷоза хост, оғоз шуд.
Вале комисюни Вазорати нақлиёти Русия ба ин ширкат иҷозаи парвоз надод.
Ба гуфти муовини пешини Авиатсияи шаҳрвандии Иттиҳоди Шӯравӣ, президенти Хазинаи "Партнер гражданской авиатсии" Олег Смирнов, далели иҷоза надодан, набуди созишнома миёни Тоҷикистону Русия шудааст.
Вале ба ин нигоҳ накарда, пас аз як моҳ ҳам ширкати "Ямал" ва ҳам "Уралские авиалинии" парвози байналмилалиро ба чанд кишвар аз ҷумла ба Тоҷикистонро роҳандозӣ карданд.
