ДУШАНБЕ, 4 апр — Sputnik. Вазорати корҳои дохилӣ аз тамоми шаҳрвандон хоҳиш менамояд, ки дар муайян кардани шахсияти писарбача ва ба волидонаш расонидани ӯ ҳамкорӣ намоянд.
Гуфта мешавад, ки рӯзи 27-уми марти соли 2018, кормандони милитсия писарбачаи 4-5-соларо ёфтаанд.
Писарбача номашро Кароматулло мегӯяду дар куҷо будани хонаашонро намедонад. Писарбача номи падарашро Қурбон ва модарашро Зебо мегӯяд.
Дар ҳоли ҳозир писарбача дар Қабулгоҳ-тавҳилгоҳи ХПҲНҶ ВКД нигаҳдорӣ мешавад.
Вазорати корҳои дохилӣ аз тамоми шаҳрвандон хоҳиш кардааст, ки дар муайян намудани шахсияти писарбача ва ба волидонаш расонидани ӯ ҳамкорӣ намоянд.
Вазорат дархост дорад, нафароне, ки ӯро мешиносанд, ба рақами телефони боварии вазири корҳои дохилӣ 221-21-21 ва ё 93 922 84 —74 занг зананд.
